Direção Geral dos Serviços Corporativos
Oficio No.: 618/Gab.DGSC/MoF/XI/2025                

Díli, 01 Agostu 2025

 

Aneksu

Submete Aplikasaun liu husi e-Recruitment Portal Ministériu Finansas. Loron ikus ba aplikasaun iha Loron Sexta-feira, 22 Agostu 2025, tuku 17:00 oras Timor-Leste. 

 

Aplikasaun tenke inklui; (a) karta aplikasaun diriji ba Diretór Nasional Rekursus Humanus. (b) CV/rezumu detallu la liu pájina 7 (husu ba aplikante atu hakerek detalhu sira nia nível edukasaun husi Ensino báziku to nível edukasaun ikus) (c) Resposta ba kritéria Selesaun (d) Kopia diploma ikus legalizadu original husi Ministériu Edukasaun (e) Kopia Kartaun Identifikasaun.

 

Aplikante sira hotu tenke fó resposta klaru ba kritéria selesaun iha Termus Referénsia ne’ebe tau ona iha e-Recruitment Portal Ministériu Finansas. Favor deskreve oinsá aplikante prienxe duni ba kritéria selesaun. Hein katak ita boot la kopia deít husi rezumu CV maibé ho klaru oinsá ita boot hetan ona kompeténsia sira ne’e bele fó mós ezemplu badak ruma, no seluk tan. 

 

Informa mos katak ba postu sira ne’ebe kolokadu ba Baucau, Bobonaro no Covalima prefere liu ba aplikante husi Munisipiu refere. Favor mensiona mos kona ba postu ne’ebe ita aplika. Exemplu: AA Bobonaro (Batugade no Tunubibi) karta aplikasaun mensiona AA Bobonaro. 

 

 

 

 

Diretór Jeral Servisus Korporativus

Ministériu Finansas, RDTL

**************************************************************************************************************************************************************************************

Títlu Servisu:              Motorista/Driver 

Númeru vaga:            12 vagas

Ba Autoridade Aduaneria (AA) Díli no Munisipiu iha:

 

Klasifikasaun:            Funsionáriu Públiku ka Kontratadu Indeterminadu – Ekiparada Tékniku Administrativu Grau E, Escalao 1.

Saláriu:                       US$ 204 kada fulan

Relata ba:                   Diretor Nasional Administrasaun, Lojístika no Finansas, Autoridade Aduaneira (AA).

Unidade Servisu:       Diresaun Nasional Administrasaun, Lojístika no Finansas

Servisu Fatin:             Pizu 6, Torre Ministériu Finasas, Aitarak-Laran, Díli.

Aprovasaun:              Juñu 2025

Durasaun:                  Fulan sanulu resin rua (12) ho possibilidade ba extensaun bazeia nesesidade Instituisaun no avaliasaun Dezempeñu

Motorista/Driver sei responsavel hodi aseguransa servisu kondusaun no transportasaun ho seguru no mos fornese apoiu administrativu ho efisiente no profissional hodi fasilita implementasaun efetiva ba atividades no servisu hotu iha Autoridade Aduaneira.  

 

1.Iha habilitasaun mínimu Ensinu Sekundáriu no iha esperiensia relevante.

2.Iha karta kondusaun validu, no la hetan asidente iha minimu tinan rua ikus;

3.Mínimun tinan 2 espereriensia servisu nudar motorista

4.Hatudu koñesimentu kona ba regras no regulamentu sinais trafiku ne’ebe aplika iha TL;

5.Hatudu koñesimentu kona ba prinsipiu no praktika manutensaun no reparasaun ba veikulus

6.Iha koñesimentu di’ak ba área Munisipiu, bele lori kareta viajen ba munisipius no hatene diresaun Munisipiu sira no rota ne’ebé relevante

7.Abilidade interpessoal exselente no servisu ho ekipa.

8.Abilidade komunikasaun diak atu koalia no hakerek, marka/halo orariu, rona no atende nesesidade kliente internal;

9.Iha abilidade lee, hakerek no komunika iha lian Tetum, no/ka Portuguese ho diak.

10. Hatene uza komputador no halo komputasaun simpel.

 

1.Iha kapasidade atu rezolve problemas ou avaria ki’ik ruma ba veikulus bainhira halo viajen;

2.Iha koñesimentu no abilidade hakerek relatóriu informativu; 

3.Iha esperiensia bele halo baze de dados ba registu veikulu no baze de dadus iha Stock in and stock out sei vantagen.

Kna’ar no Responsabilidade | Indikador Dezenpenu
1.Fornese apoiu ba funsionáriu sira iha Autoridade Aduaneira (AA) hodi halo viagem ka operasaun ba fatin enkontru ruma iha Dili laran no mos ba iha Munisipiu sira tuir Instituisaun AA nia nesesidade.
1.1.Relatóriu detallu ba utilizasaun viaturas 
1.2.Asegura apoiu servisu diariu ho efisiente no tuir regras.
1.3.Asegura kondisaun viaturas mos no di’ak molok no hafoin halo viagem ruma.
1.4. Asegura kumpri tuir orariu no planu viajem ne’ebé  aprovadu husi superior. 
 
2.Ezamina kondisaun viaturas no prienxe log-book tuir pedidu no nesesidade DNALF - AA. 
2.1. Log-book viaturas prienxidu tuir pedidu no nesesidade.
2.2. Relatóriu relasiona ho no estragus ruma identifikadu no informadu ba superior no liña diresaun relevante iha AA.
2.3. Atividades viajem rekorda ka rejistradu ho los no koretu inklui oras tama sai no destinasaun viajem.
 
3.Asegura manutensaun ho regularmente  ba viatura  hanesan manutensaun kiik no manutensaun boot no  relata estragaus ruma ba supervisor.
3.1.Manutensaun ba viaturas hala’o ona diariamente.
3.2.Estragus ba viaturas identifikadu, no informadu ba superior.
3.3. Relata relatóriu estragadu ba viaturas ba superior en eskrita.
 
4.En kordenasaun ho ofisiais DNAFL -AA hodi responde ba problema ka avaria viaturas ruma durante hala’o viajem servisu nian.
4.1. Superior no liña diresaun informadu imediata relasionadu ho avaria ruma.
 
5.Hasoru no simu  bainaka ofisial iha Aeroportu, Portu no Fronteira Tereste no iha fatin importante sira, no ajuda prepara hela fatin ba sira tuir instrusaun no orariu ne’ebe mak iha.
5.1.Apoiu servisu kondusaun fornese ho atempadamente no bainaka sira transporta ba sira nia hela fatin ho seguru.
 
6.Fornese apoiu administrativu hodi halo distribuisaun ba dokumentus korespondensia sira hanesan kartas, no dokumentus ofisiais sira seluk  ba resepiente apropriadu no tula mos ema autorizadu no bainaka sira.
6.1. Apoiu administrativu  no apoiu kondusaun fornesidu ho efetivu no tuir orariu ne’ebé mak estabelesidu ona. 
 
7.Prepara relatóriu sumariu mensalmente  kona ba gastus mina.
7.1. Sumáriu relatóriu gastus mina preparadu regularmente 
7.2. Sumáriu relatóriu sertifikasaun no submetidu ba superior no liña diresaun relevante.
 
8.Informa no relata immediata relasiona ho investigasaun ba kazu insidente veikulus, estragus, sasan lakon nomos sasan ruma ne’ebé ema na’ok tuir lei no prosedimentu ne’ebé iha.
8.1. Asegura kumpri regras no regulamentu hotu-hotu wainhira envolve iha kazu asidente ruma.
8.2. Kazu incidente veikulus rejistradu, informado no relatoriu submtidu ba superior no liña diresaun relevante.
 
9.Suporta no asiste assistente administrasaun hodi prepara rejista atividade relasionadas, hanesan halo foto kopia, fahe karta no halo arkivu ba korespondensia sira.
9.1. Rekerimentu servisu administrativu nian responde hotu ho di’ak tuir regras no prosedimentu ne’ebe mak iha.
 
10. Fornese apoiu lojístiku ba officer logística ba preparasaun sira iha sorumutuk, workshop nomos eventu sira seluk.
10.1. Apoiu lojístiku  hotu fornesidu ba iha terenu tuir orariu ne’ebe iha. 
10.2. Sorumutuk, workshop no eventu sira halo ho di’ak. 
 
11. Hala’o servisu seluk – seluk tan tuir orientasaun superior nian.
11.1. Nível satisfasaun superior ba servisu seluk ne’ebé kompleta ona. 

Dezempeñu regular ba inkumbente sei avaliadu husi Diretor Nasional Administrasaun, Lojístika no Finansas, Autoridade Aduaneira (AA), uza Sistema Avaliasaun Dezempeñu ne’ebé MF defini ona. Ba Funsionáriu Públiku sei aplika tuir sistema avaliasaun dezempeñu funsaun públika nian.

Ha’u deklara katak simu deskrisaun servisu ida ne’e, ha’u komprende no konkorda ho servisu ne’ebé hakerek iha leten hanesan parte husi hau nian termus no kondisoens nudar funsionariu nian ho Ministériu Finansas.

Ha’u komprende mos katak deskrisaun ida ne’e sei bele hetan alterasaun ki’ik ruma ho objetivu atu atualiza deskrisaun servisu.