Oficio No.: 52/Gab.DGSC/MoF/IX/2026                

Díli, 27 Janeiro 2026     


ANÚNSIU                                                                                                                               

I. Título Servisu: Formador Planeamentu no Orsamentu (Postu 1) 

Aneksu

Submete Aplikasaun liu husi e-Recruitment Portal Ministériu Finansas. Loron ikus ba aplikasaun iha Loron Segunda-feira, 16 Fevereiru 2026, tuku 17:00 oras Timor-Leste. 

 

Aplikasaun tenke inklui; (a) karta aplikasaun diriji ba Diretór Nasional Rekursus Humanus (b) CV/rezumu detallu la liu pájina 7 (husu ba aplikante atu hakerek detallu sira nia nível edukasaun husi Ensino báziku to nível edukasaun ikus) (c) Resposta ba kritéria Selesaun (d) Kopia diploma ikus legalizadu original husi Ministério Ensino Superior Ciência e Cultura (MESCC) (e) Kopia Kartaun Identifikasaun.

 

Aplikante sira hotu tenke fó resposta klaru ba kritéria selesaun iha Termus Referénsia ne’ebe tau ona iha e-Recruitment Portal Ministériu Finansas. Favor deskreve oinsá aplikante prienxe duni ba kritéria selesaun. Hein katak ita boot la kopia deít husi rezumu CV maibé ho klaru oinsá ita boot hetan ona kompeténsia sira ne’e bele fó mós ezemplu badak ruma, no seluk tan. 

 

1.  Avaliasaun Curricular/Avaliasaun Dokumentus/Selesaun Dokumentus 

2.  Entrevista Profissional 

 

 

 

Diretór Jeral Servisus Korporativus 

Ministériu Finansas, RDTL

**************************************************************************************************************************************************************************************

TERMU REFERENSIA

Pozisaun                    : Formador Planeamentu no Orsamentu (Postu 1) 

Objetivu                     : Pozisaun ida ne’e sei responsável atu fornese formasaun jestaun finansas públikas iha áre kompeténsia planeamentu no orsamentu ba oficial sira husi entidade setór públiku administrativu tomak nomos responsável iha dezenvolvimentu rekursus no materiais aprendizajen ho kolaborasaun subject matter experts/SMEs husi Diresaun Jeral Planemaentu no Orsamentu (DJPO), Unidade Monitorizasaun no Avaliasaun Dezempeñu (UMAD), Diresaun Nasional Planeamentu, Orsamentu no Avaliasaun Dezempeñu (DNPOAD) no Sistema Informasaun Integradu Jestaun Finansas (USIIJF).

Relata ba                   : Sentru Kapasitasaun Jestaun Finansas Públikas (SKJFP) liu husi Xefi Departamentu Formasaun no Kualifikasaun Profisional.   

Kontraparte (s)          : Funsionáriu sira iha Departementu Formasaun no Kualifikasaun Profisional

Klasifikasaun             : C3.1 Profisionál Espesializadu 

Saláriu                         : US$ 1,200.00 inklui taxa

Referénsia                  :  2023

Aprovasaun               : Agostu 2025

Durasaun                    : Tinan rua (2) ho posibilidade extende bazeia ba dezempeñu no nesesidade Instituisaun. 

Fatin Servisu              : Pizu 2, Ministériu Finansas, Dili, Timor-Leste

 

I.  KRITERIA SELESAUN 

1.  Lisensiatura iha área jestaun negósiu, jestaun públiku, finansas, ekonomia, ka disiplina seluk ne’ebé relevante ho pozisaun.

2.  Esperiensia servisu mínimu tinan haat (4) iha área planeamentu no orsamentu no iha koñesimentu médiu-avansadu kona-bá konseitu, sistema, siklu no prosesu planeamentu no orsamentu;

3.  Iha koñesimentu extensivu no abilidade atu dezenvolve metodolojia, ferramentas no matéria ba formasaun;

4. Iha koñesimentu no abilidade di’ak tebes ba Sistema Government Resource Planning (GRP) – FreeBalance: modulu Performance Budgeting no Dalan ba Futuru (DBFTL);

5.  Iha sertifikadu training-of-trainers/ToT ba kualker área formasaun;

6.  Hatudu esperiénsia komprovada kona-bá fornese formasaun, workshop no/ka seminar relasionadu finansas públikas entidade setór públiku administrativus;

7.  Iha koñesimentu di’ak tebes kona-ba enkuadramentu lejislativa finansas públikas, inklui polítika no prosedimentu aplikável sira;

8.  Abilidade komunika (hakerek no ko’alia) iha lian Tetun ho di’ak tebes no iha koñesimentu di’ak ba lian Portugés nomos Inglés;

9.  Abilidade uza aplikasaun Ms. Office: Word, Excel, PowerPoint no Outlook ho di’ak tebes.

1.  Mestradu iha Edukasaun, Project Management, Finansas, no/ka iha esperiensia servisu mínimu tinan lima (5) nudar treinador ba area relevante iha setór públiku;

2.  Iha Sertifikadu III ka Sertifikadu IV ba Treinamentu no Avaliasaun. 

3.  Iha Sertifikadu ba área especialidade hanesan Planeamentu no Orsamentu, Planeamentu, Forecasting,  no/ka Jestaun Finansas Públika (JFP) husi instituisaun akreditadu rekoñesimentu internasional.

 

II.  Ámbitu Servisu

 1.    Servisu hamutuk ho Subject Matter Experts/SMEs husi unidade Servisu planeamentu, orsamentu, monitorizasaun no avaliasaun dezempeñu atu dezenha, dezenvolve no implementa kuríkulu formasaun no matéria aprendizajen.
1.1.  Kuríkulu no matéria aprendizajen kona ba planu no orsamentu ne’ebé preparadu ho akordu tuir padraun kompeténsia JFP no padraun akreditasaun nasional.
1.2.  Matéria treinamentu preparadu ba kada faze/nível no prontu atu utiliza ho akordu ba oráriu.

  2.  Prepara no implementa pre no post assessment (avaliasaun) ba oficial sira husi entidade setór públiku administrativu nomos setor privadu molok no hafoin remata formasaun
2.1. Dezeña ona materia Pre & post assessment (avaliasaun) ba área planeamento no orsamentu
2.2. Konduta ona pre & post assessement (avaliasaun) ba ofisials sira molok no hafoin formasaun hodi asegura sukat impaktu melloramentu ba koñesimentu no abilidade husi partisipante sira
2.3. Relatóriu melloramentu no progressu husi pre & post assessment (avaliasaun)

 3. Fornese kapasitasaun JFP iha área kompeténsia Planeamentu no Orsamentu tantu manual nomos sistema ba entidade setór públiku administrativu nomos setor privadu.  3.1. Asegura alvu treinamentu fornesidu tuir kalendáriu formasaun ne’ebé determinadu ona.
3.2. Asegura treinamentu sira fornesidu ho efetivu no efikas.
3.3. Aplika ona Principles of adult learning

 |4. Prepara metodolojia hanorin tantu pedagogia nomos andragojia bazeia ba padraun kompeténsia JFP nomos padraun akreditasaun nasional.
4.1.  Boa prátika planu avaliasaun, metodolojia no feramenta dezenvolve tuir tempu;
4.2.  Relatóriu kona-bá progresu relata regularmente ona ba SKJFP.

 5. Fo apoiu direta iha dezenvolvimentu plataforma PFM E-Learning liu-husi fornesimentu materia no rekursus aprendizajen tantu manual nomos elektróniku
5.1. Materiais aprendizajen: módulus, regras, prosedimentu, referénsia leituras kompiladu prontu hodi serbii kursu online;
5.2. Demonstra disponibilidade iha produsaun video ba kursu online.

|6.  Fornese informasaun ba superior iha SKJFP relativas lakunas, dezafius nomos progresu formasaun no nível kompeténsia formandu
6.1. Informasaun presizu, ezatu no atuál fornesidu kualker tempu wainhira nesesita;
6.2. Aprezenta solusaun no rekomendasaun ba melhoramentu;
6.3. Relatoriu progresu elaboradu no submetidu tuir tempu.

7. Servisu hamutuk ho Unidade Sistema Informasaun Integradu Jestaun Finansas (USIIJF) iha ámbitu melloramentu sistema GRP-FreeBalance: módulu Performance Budgeting no DBFTL
7.1. Lakunas no dezafius identifikadu no fornese ona rekomendasaun ba melloramentu sistema;
7.2. Aplika ona kódigu konduta JFP (PFM code of conduct)

8.    Hala’o servisu sira seluk ne’ebé atribui husi superior haktuir lei aplikável. 
8.1. Nível satisfasaun superior nian ho konkluzaun tarefas.